Ikinaogma ni dating Presidente Rodrigo Duterte kan maaraman kaini na ini an nanggana komo alkalde kan syudad nin Davao.
Sigun sa nguhod na tugang na si Bong Duterte, pigbisita kaini an tugang sa detention facility kan International Criminal Court (ICC) sa the Hague, Netherlands asin ipinaabot an magayon na bareta.
Dakulang kaogmahan kan maaraman pa kaini orog na ta dakula an saiyang lamang kontra sa kalaban kaini sa pagka alkalde.
Maogma man ini nin huli ta nailihir an aki kaining si Sebastian “Baste” Duterte komo vice mayor kan Davao, mantang an matuang aki kaini na si Paolo “Pulong” Duterte an liwat nailihir komo kongresista, asin an duwang makuapo kan dating presidente nanggana man sa kakatapos pa sanang eleksyon.
Advertisement
Advertisement
