Nagpa-abot nin pasasalamat si dating US President Joe Biden sa mga Amerikano para sa saindang pagpapadangat asin suporta makalihis na ma-diagnose ini na igwa kan pig-aapod na prostate cancer.
Sigun sa 82-anyos na Democrat an nasambitan ng cancer na nagkuriyat na sa saiyang mga buto.
Makalihis kaya na makamate nin urinary symptoms asin makakua nin prostate nodule digde na napag-araman na nagsasapo kan nasambitan ng helang si Biden.
Kasabay man kaini, nagpa-abot kan saindang suporta an presenteng Presidente kan US na si Donald Trump, dating US vice president na si Kamala Harris asin an mga solid na suportadores ni Biden.
Pigsaysay kan dating Presidente na matinir ining pusog kaibahan an saiyang agom asin gigubuhon an gabos tanganing labanan an helang.
Marurumduman, binawian nin buhay an aki kan dating Presidente na si Beau Biden huli man sa cancer kan 2015.
