CAMNORTE – Matrayumpong piglunsar kan Sta Elena Municipal Police Station an “Kabataan Kontra Kriminalidad” (KKK) Program sa Purok-5, Brgy. Sta. Elena Poblacion, Camarines Norte.
An nasambitan ng programa an komo parte kan padagos na kampanya kontra sa kriminalidad asin sa kahurotang mapakusog an partisipasyon kan mga jovenes sa pagtataguyod kan katuninongan sa komunidad.
Nagpuon an programa sa sarong makulay asin maogmang motorcade na nag-ikot sa poblacion.
Pig-atendiran ini kan nasa 200 mga jovenes na kinatawan gikan sa Sangguniang Kabataan kan Sta. Elena, mga estudyante sa kursong Criminology gikan sa duwang eskwelahan asin manlaen-laen na youth organizations.
Katakod kaini, pigpirmahan man kan mga partisipantes an saindang promesa komo patotoo kan saindang dedikasyon sa pagkrear nin sarong salbado asin maayos na pamayanan.
Mientrastanto, an Kabataan Kontra Kriminalidad (KKK) an sarong makabuluhang programa na igwa nin obhetong tawan nin kapangyarihan an mga jovenes sa paagi kan edukasyon asin aktibong pakikilahok sa mga inisyatibo kontra sa kriminalidad.
Obheto man kaini na pararomon an kaaraman kan mga jovenes dapit sa maraot na epekto kan pagkakaembwelto sa anuman na krimen, pahigoton an responsableng namamanwaan asin patatagon an koordenasyon sa pag-ultanan kan jovenes asin kan kapulisan.
