Pinag-aadalan kan Philippine National Police (PNP) na magtao nin insentibo asin pabuya an mga pulis na makakadakop nin kadakol na kriminal.
Sa Malacañang press briefing, sinaysay ni PNP Chief Gen. Nicolas Torre III, na aram kaini an mga reklamo sa haloy na pagpapautob kan arrest warrant kan pirang pulis dawa haloy nang iniluwas kan korte asin an haloy na pag-responde sa mga sumbong kan publiko.
Sigun ki Torre, sa paagi kan direktiba, mamumuklat asin makakalampag an mga pulis sa saindang obligasyon tanganing dae masayang an dakulang sweldong pigtatao sa sainda.
Nararapat sana soboot na tawan nin tamang pagbisto an mga pulis kun sinda man an matrayumpong nakasunod sa saindang trabaho.
Sa ibong kaini, pigsierto man ni Torre na naaayon sa ley an padakulan na pagdakop sa mga kriminal, asin papadusahan an mga pulis na maabuso sa saindang kapangyarihan kaya mayong dapat ikatakot an publiko.
