Pigkoronahan komo Binibining Pilipinas International an pambato kan Davao na si Katrina Johnson.
Namayagpag an pambato kan Davao sa kabilogang 35 na partisipantes sa coronation night na ginanap sa Araneta Coliseum.
Ini an marepresentar kan nasyon sa Miss International Competition kun saen ipinasa ni Myrna Esguerra an saiyang titulo.
Nasungkit man ni Annabelle Mae McDonnell kan Iligan City an Binibining Pilipinas 2025 Globe 2025 mantang first runner up man si Dalia Varde Khattab kan Las Pinas asin 2nd Runner Up man si Kathleen Espenido kan Siargao.
Nakua man ni Khattab an Best in Swimsuit, mantang Best in National Costume man si Blessie Villablanca kan Antique asin si Johnson man an nakakua kan Best in Evening Gown.
Nagkapira sa mga special awards iyo si Cyril Reign Nulud Binibini Friendship asin Francesca Abalajon komo Face of Binibini Awards.
An 61st edition na pageant an napiling magin host an mga beauty queen na nagrepresentar kan nasyon na sinda Nicole Cordoves an Binibining Pilipinas Grand International 2016; MJ Lastimosa an Bb. Pilipinas Universe 2014; Maureen Montagne an Miss Globe 2021; asin Kylie Verzosa an Miss International 2016.
Pigharana man kan grupong SB19 an mga contestants sa sainang pagrampa.
