Pighahalat na sana ni Pinoy boxing champion Nonito “The Filipino Flash” Donaire an manggagana sa tahaw ninda Antonio Vargas asin Daigo Higa na gaganapon sa Japan sa Hulyo 30 para sa saiyang full WBA bantamweight championship.
Ini an makalihis na manggana an 42-anyos na si Donaire kontra ki Andres Campos kan Chile tanganing makua an WBA interim bantamweight title sa laban na ginanap sa Argentina.
Nakua ni Donaire an technical decision na kapangganahan makalihis na pauntokon kan referree an laban sa ika-siyam na round huli sa accidental head butt ikinalugad kan walang mata kaini.
An resulta kan laban an nagtuldok sa panduwang sunod na pagkadaog ni Donaire.
Kan taong-2022 dinaog ini ni Japanese superstar Noaya Inoue asin nabigo man ini kontra ki Alexandro Santiago noong Hulyo 2023.
Igwa na nin 43 na kapangganahan asin walong daog si Donaire na igwang 28 knockouts.
