Aram baya nindo mga ka-bombo, sarong lalaki na gikan sa Taiwan an binawian nin buhay huli sa pinagtutubudang pagkalason makalihis an paggamit kan saiyang pigkakalawang na thermos sa laog nin sampulong taon.
Susog sa report an lalaki nagsapo nin malalang lung infection huli sa heavy metal poisoning.
Dati naman soboot nakakaeksperyensya nin problema sa saiyang salud an lalaki asin sa saiyang blood test nahiling na ini an nagsapo kan inaapod na heavy metal poisoning.
Mantang pighahanap an source kan kontaminasyon, napag-araman kan mga doktor na an lalaki naggagamit kan saiyang thermos haros ara-aldaw sa laog nin 10 taon.
Kan pag-adalan kan mga doktor an container, nadiskubrer ninda an kalawang sa laog.
Katakod kaini, maski soboot nahiling na kan lalaki an kalawang asin dae man gibo sa rust-proof material an saiyang thermos padagos pa man giraray an saiyang paggamit digde.
An rason soboot kan lalaki na saiya man piglilinigan an nasambitan ng thermos.
Mientrastanto, an pagkalason naka-apektar sa immune system kan lalaki kun kaya maski labi an paglapigot kan mga doktor na maisalbar ini napuli sa pneumonia an saiyang helang.
Sa ngunyan, pigpayuhan kan mga doktor an publiko na magribay nin thermos makalihis an duwa o tolong taon.
