Matatapos na an alternatibong mandatory military service kan miyembro kan BTS na si Suga.
Katakod kaini, nakiulay an agency kan K-pop star na BigHit sa saiyang mga fans na dae muna magbisita sa lugar kun saen ini maluwas.
Dae naman pigbanggit kan agency an petsa kan pagluwas kan 32-anyso na rapper asin producer, alagad susog sa mga report matatapos kaini an saiyang mandatory military service sa June 21.
Si Suga nagseserbe komo social service agent, sarong alternatibong paagi sa pag-utob kan saiyang military service, ini an huli sa saiyang sinapong injury sa abaga kan taong 2020.
Enot naman na sinaysay kan agency na mayong special na aktibidad an ikukundusir sa pagtatapos kan military service kun kaya nakiulay ini sa fans na dae na magbisita sa discharge site tanganing malikayan an kurumpulan kan tawo.
Oras na makaluwas si Suga, an gabos na pitong miyembro kan BTS an nakakumpleto na kan saindang mandatory military service.
