Aram baya nindo mga ka-bombo, sarong 35-anyos na lalaki gikan sa America an pighatulang guilty makalihis na magpamalo-malo na flight attendant nin haros 120 na beses tanganing makalikay na magbayad para sa plane tickets.
Pig-akusaran kan Federal prosecutors si Tirone Alexander kan paglaog sa secure area kan airport gamit an mga pekeng dokumentos sa pag-ultanan kan 2018 asin 2024.
Si Alexander, an napag-araman na nagtrabaho dati komo flight attendant para sa regional airlines sa pag-ultanan kan 2013 asin 2015.
Ini an ma-check sa manlaen-laen na airline websites para sa flight attendant option para sa online check-in process.
An form para sa nasambitan ng proseso naghahagad sa mga aplikante na magtao kan saindang employer, date of hire, asin badge number.
Katakod kaini, naggamit si Alexander nin pekeng impormasyon na mayo soboot nag-check kun totoo o dae.
Sigun sa prosecution, nag-booked nin flights si Alexander nin haros 120 na beses na libredo sa paagi kan pagpamalo-malo komo flight attendant sa pag-ultanan kan 2018 asin 2024.
Huli kaini, nahatulan man nin guilty an nasambitan ng lalaki para sa apat na counts kan wire fraud na igwang sentensiyang pagkakakarsel na nag-aabot sa 20 taon asin sarong count kan fraud para sa paglaog sa restricted area kan airport na igwang sentensiyang 10 taon na pagkakarsel.
