Ipinabakal na an bistadong NBA team na Los Angeles Lakers sa kantidad na $10 billion —an pinaka mahal na presyo para sa sarong sports team sa historya kan Estados Unidos, susog sa report kan ESPN.
Napagaraman na an Buss family, an maysaydiri kan Lakers sa laog kan 47 taon, an nagbakal kan saindang kontrol sa koponan ki billionaire Mark Walter, sarong presenteng minority owner kan team asin CEO kan TWG Global.
Siringpaman, matinir pa man na team governor si Jeanie Buss makalihis mapabakal an NBA team.
Mientrastanto, si Walter man an maysadiri kan Los Angeles Dodgers, Los Angeles Sparks, asin iba pang sports properties.
Sigun ki NBA legend Magic Johnson, marahay na bareta ini para sa Lakers nin hui ta si Walter an may reputasyon asin may historya kan pagkatrayumpo asin pamamayo.
Marurumdumang nagdara nin 11 NBA championships an Buss family sa Lakers magpuon kan 1979, kabali na an mga panahong pinamayuhan ninda Magic Johnson asin Kobe Bryant.
