Aram baya nindo mga ka-bombo na an Chinese City of Chongqing kasuarin sanang nakapagkurit nin bagong Guinness World Record sa paagi kan pagtatanghal kan sarong dakulang light show na igwang dae mababa sa 11, 787 drones.
Nagin popular an China sa darakulang drone light show na ini, alagad an “Charming Chongqing”, an sarong event na pigho-host kan siyudad kan Chongqing an nakapagkurit kan bagong Guinness World Recod sa paagi kan pinakadakulang light show.
Pigkakarkulong labi 100,000 na indibidwal an nagpasiring sa downtown Chongqing tanganing dalanon an nasambitan ng event kun saen dae man nabigo an mga ini sa pagdalan.
Mientrastanto, dae man mababa sa 11,787 na saradit na drones an nagpaliwanag sa kalangitan na nagkoronektar sa lambang saro tanganing mabilog an manlaen-laen na hugis asin igwang nakasurat na mensahe na nakapagpaogma sa kadaklan.
