NAGA CITY- Pormal nang piglunsar kan City Agriculture Office an saindang Urban Agriculture Manual kan nakalihis na June 25, 2025.
Sigun ki CAGO Head Ernesto Asence III, obheto kan saiyang opisina na matawan nin giya an mga Nagueño sa basic agriculture and farming concepts, orog na ta nagdadakol an teknolohiya sa urban farming.
Durante kan launching, pig-imbitaran man kan opisina an nagkapirang mga agricultural groups sa Naga siring kan Independent Component City Agricultural and Fishery Council of Naga City, asin an mga lider kan Urban Agriculture group sagkod Paraoma sa Climate Change.
Idedestrebwer man ini kan mga CAGO sa mga barangay asin iba pang agricultural sectors kan siyudad sa mga masunos na semana.
Pigtawan duon kan opisyal na importante soboot an nasambitan ng lakdang tanganing mas mai-promoter an Urban Agriculture practices sa Naga.
Kadakol nang mga bagong teknolohiya an nagkakaigwa nin dakulang katabangan para sa mga paraoma na dapat mapag-adalan man kan komunidad tanganing dae masayang.
Sa ngunyan, pigsierto na sana ni Asence na yaon an saindang padagos na pagtaong suporta sa mga paraoma para sa ikakauswag asin ikakamarhay kan mga ini.
