Aram baya nindo mga ka-bombo nakuanan nin video footage kan sarong babae sa Massachusetts an misteryosong bagay na naglulutang sa himpapawid.
Sigun ki Colleen McCormack, mantang yaon sa hot tub sa luwas kan saiyang harong pasado alas 9 nin pagkabangi kan mahiling kaini an nasambitan ng bagay.
Tolos soboot kaini na pigluwas an saiyang cellphone asin pigkuanan nin video an kakaibang senaryo.
Susog ki McCormack an misteryosong bagay na ini an garo kalayo asin marekas na nagbababa gikan sa himpapawid.
Katakod sa insidente, pigsaysay kan Federal Aviation Administration na mayo man sindang nareseber na reports kan debris sa area kun kaya dae naman sinda nagkomento sa nasambitan ng video.
Mientrastanto, pigsaysay pa ni McCormack na piglaoman kaini an makusog na tanog sa pagbagsak kan misteryosong bagay alagad mayo man ining nadangog makalihis na mawara sa saiyang paghiling.
Sa ngunyan, nagtitinir na misteryo para ki McCormack an saiyang nasaksihan orog na ta mayo pa man paliwanag digde an mga eksperto.
