Mahahampang na sa administrative sanction an mga government official na mapapatunayang magdi-discriminate kontra sa mga ‘persons living with human immunodeficiency virus (PLHIV)’ o mga tawong nakakaeksperyensiya nin HIV.
Pigluwas kan Civil Service Commission (CSC) an bagong resolusyon na naglalaog kan mga administrative disciplinary action na posibleng kahampangon kan mga empleyado o opisyal kan gobiyerno na matutukoy na magibo kan nasambitan ng diskriminasyon.
Kabali sa mga discriminatory practices na tinukoy kan CSC an pagbabawal sa mga indibidwal na pinagtutubodang may HIV tanganing magbiyahe, magpili nin mawot maiistaran, pagbabawal sa saiya tanganing magtrabaho sa public office, asin pambubully sa saiya huli sa kinakahampang na medical condition.
Kabali man digdi an pagbabawal sa mga HIV patients na makapag-avail nin bastante asin akmang credit asin insurance services asin burial service.
Sigun sa CSC, ang mga bagong panundunan an epektibo para sa gabos nin mga opisyal asin empleyado kan gobierno gikan sa national government agencies asin regional asin provincial office kan mga ini, asin local government units.
Saklaw man digdi an mga empleyado asin opisyal kan state colleges and universities, asin mga government-owned and controlled corporations na may original charter.
Nakalaog pa sa nasambitan ng resolusyon na gabos nin mga reklamo dapit sa kahalintulad na diskriminasyon an tutugunan asin reresolbaran salig sa itinalaan kan 2017 Rules on Administrative Cases in the Civil Service, na nagtatalaan kan mga panundunan para sa gabos nin disciplinary asin non-disciplinary administrative cases na inirarani sa Civil Service.
