Makikipag-koordinar an Philippine National Police (PNP) sa Department of Information and Communications Technology o DICT tangani tabangan sinda sa paglaban sa Artificial Intelligence (AI) sa social media.
Sigun ki PNP Chief Police General Nicolas Torre III, makahadit na kaya an mga nagkukuriyat na AI generated videos na target an prominente asin haralangkaw na lider kan nasyon.
Pinakahuri digde iyo an AI generated video ni Presidente Bongbong Marcos na nagpo-promote nin investment platform. Huli digde, plano kan PNP na magbilog nin mga programa tangani malabanan an salang paggamit nin mga teknolohiya.
Pinagirumduman man ni Torre an publiko na hmdae basta-basta magtubod sa mga siring na post online na nang iinkaminar kan mga investment tangani malikayan an ano man na klase nin scam.
