Nag-promesa an Philippine National Police (PNP) na mas papakusugon pa ninda an saindang pakikipag-koordinar sa publiko sa nagin pagselebrar kan 30th Police Community Relations Month.
An nasambitan ng selebrasyon an obheto na mas pakusugon asin tawan nin pansin an importansiya kan pagtatarabangan asin pagkakaigwa nin tiwala sa tahaw kan komunidad asin kan mga kapulisan.
Sa saiyang nagin paenot na pahayag, pighayag ni PNP Chief PGen. Nicolas Torre III na an selebrasyon na ini an nagsisirbing tulay tanganing mas magkaigwa nin matibay na komunikasyon an mga pulis asin an publiko.
Obheto soboot kan Pambansang Pulisya na siertuhong magigin matatag, salbado asin nasa marhay na kamugtakan an mga komunidad asin halion sa kapahamakan siring man kadahasan an publiko.
Sa paagi kaini, magkakaigwa nin bastante na tiwala asin mahihiling kan publiko na an mga pulis an saindang kasurog asin kaagapay sa pagmamantinir kan matoninong na Pilipinas.
Mientrastanto, liwat man na pigtawan-duon kan hepe na an pagkakaigwa nin matoninong na nasyon asin mga komunidad an bako sanang nagsesentro sa mga tungkulin asin paninimbagan kan mga kapulisan.
Ini soboot an bunga kan pagkakasararo kan mga lokal na gobyerno asin pagtitiwala kan publiko na iyong nahihiling na susi sa mga mawot na maabot na pagbabago sa irarom kan administraston ni Presidente Ferdinand Marcos Jr.
