Nagtutubod si dating unified welterweight world champion Keith Thurman na an laban sa pag-ultanan ninda Manny Pacquiao asin Mario Barrios an nakasalalay sa salud asin kondisyon kan 46-anyos na Filipino boxing legend.
Marurumduman na liwat masabak sa ring si Pacquiao makalihis an apat na taong pagreretiro kontra ki Barrios para sa WBC welterweight title sa Hulyo 19 sa MGM Grand Garden Arena sa Las Vegas.
Marurumduman na dinaog ni Pacquiao si Thurman kan nakalis na taong 2019 via split decision, asin pinabagsak pa ini sa enot round. Si Thurman an nadaog ki Pacquiao sa edad na 40 anyos, kun saen nagin pinakagurang na welterweight champion an Pinoy boxer.
Siringpaman, dae pa nadaog si Pacquiao magpuon kaidto. Huri ining naglaban kan nakalihis na 2021 kun saen dinaog ini ni Yordenis Ugas.
Si Thurman man an nakalaban si Barrios kan 2022 asin nanggana via unanimous decision. Bagaman igwa nin kusog si Barrios, madali soboot ining tamaan asin may kaluyahan pa man sa depensa.
Mientrastanto sa status ni Pacquiao igwa na ining 62-8-2 (39KOs) mantang si Barrios man an may 29-2-1 (18KOs).
