Maapelar si Senator Erwin Tulfo na gibuhong online na sana an mga refresher courses o schooling kan mga kababayang seaman.
Katakod ini sa pagdulog kan mga nagbabakasyong maritime officers ki Sen. Erwin nin huli ta imbes na makaibahan an pamilya kun yaon sa Pilipinas, nauubos an saindang panahon sa face-to-face schooling o refresher courses training.
Nagpromisa an senador na irarani ini kina Maritime Industry Authority (MARINA) Administrator Sonia Malaluan asin Department of Migrant Workers Secretary Hans Leo Cacdac tangani gibuhong online na sana an klase asin pagsasanay kan mga seaman.
Apwera kaya sa nawawaran nin oras an mga marino sa pamilya ninda kada nagpupuli nin nasyon, nagigin dagdag gastos sa pamasahe asin pang uru-aldaw na pangkakan an pagpasiring sa school uru-aldaw.
Pigdulog na man kan lehisladir an urulay na ini ki Senator Raffy Tulfo na iyo man pig-uyunan kan senador.
