Liwat na nagbweltada an K-pop singer na si Doh Kyung-soo o mas bistado komo si D.O. kan boy group na EXO, sa paagi kan saiyang enot na full-length album na Bliss.
Ipinapahiling sa nasambitan ng album an tibay kan singer sa pagkanta na labi man na ikinaogma kan saiyang mga fans.
An album ni D.O an igwang sampulong tracks kun saen highlight an single na Sing Along na igwa man kaibahang music video.
Katakod digde, nakatalaan na magsagibo nin concert tour sa Asya an singer asin saro an nasyon sa bibisitahon kaini sa August 16.
Ini an panduwang beses na mabweltada sa Pilipinas si Kyung-soo makalihis an haros sarong taon na fan concert kaini sa Araneta Coliseum kan 2024.
Marurumduman, nag-debut si Kyung-soo kan 2012 komo miyembro kan EXO, na nagpasikat sa mga sonatang Growl, Ko Ko Bop asin Love Shot.
Opisyal man kaining piglunsar an saiyang solo music career kan 2021 sa paagi kan extended play na Empathy.
Sa ngunyan, apwera sa pagigin singer bistado man si D.O komo saro sa mga matibay na aktor sa South Korea.
