Pig-aprobaran na ni U.S. President Donald Trump an pagpapadara kan mga sandatang militar sa Ukraine tanganing suportaran ini kontra sa padagos na pambobomba ga piggibo kan Russia.
Sigun ki Trump, seryoso kaining pinag-iisipan an pagsuport sa prosopwestong ley sa Senado na magpapataw nin mas magabat na padusa sa Russia asin sa mga nasyong padagos na nakikipagkalakalan digde.
Sa sarong naganap na pag-urulay sa White House, sinaysay ni Trump na nawawran na ini nin pasensiya ki Russian President Vladimir Putin huli sa padagos na paglangkaw kan numero kan mga pigbabawian nin buhay sa kariribokan.
Mientrastanto, ipighayag man ni Ukrainian President Volodymyr Zelenskiy na pigpapahewas na ninda an koordinasyon sa Estados Unidos tanganing maparekas an pag-abot kan mga armas, orog na sa air defense.
Padagos man ining nangangapodan sa mas mahigot na padusa kontra sa Moscow tanganing mapiritang untukon na an piggibong opensiba.
