Padagos an pagdakol nin mga nagsusuporta sa liwat na pagbabalik sa boxing ring ni Pinoy boxing icon Manny Pacquiao.
Sa nagkapirang semanang ensayo kaini sa Los Angeles, inibahan ini kan pirang mga kabisto asin baguhang boksingero.
Kabali na sinda champion fighters na sinda Teofimo Lopez asin Cris Cyborg, elite contenders sinda Vergil Ortiz Jr asin Emiliano Vargas apwera pa sa mga aking boksingero na mawot sunudon an yapak ni Pacquiao.
Sinaysay ni Pacquiao na labi ining nagpapasalamat huli sa pagsubaybay sa saiyang ensayo siring man an mga suporta kan kapwa boksingero.
Sa mga masunod na aldaw, magigin matindi na an ensayo ni Pacquiao para sa nagdadangadang na laban kaini ki WBC welterweight champion Mario Barrios Jr sa maabot na Hulyo 19 sa Las Vegas.
Si Pacquiao an igwang 62 kapangganahan, walong pagkadaog, duwang draw asin 39 knockouts mantang si Barrios an igwa man nin 29 kapangganahan, duwang daog, sarong draw asin 18 knockouts.
