Regulasyon sa paggamit nin vape, pinabubusisi sa Kamara

Pigbusol ni 1Tahanan Party-list Representative Nathaniel Oducado na mabusisi kan Kamara an nag iiral na regulasyon sa paggamit nin vape katakod sa implementsyon kan Republic Act 11900.

Nakakaalarma na para ki Oducado an naglalangkaw na numero nin mga naggagamit nin vape orog na an mga Kaakian.

Nakapalaog sa pigsunad na House Resolution No. 43 ni Oducado na aaramon sa pagdangog an kaluyahan sa regulasyon asin hurisdisyon sa mga e-cigarette asin heated tobacco product kan kaukulang ahensya kan gobyerno siring kan Department of Trade and Industry (DTI).

Hurot ni Oducado, kaipuhang maitanos an mga salang pagtubod sa paggamit nin vape kun kaya kadakol an na-iinganyar na mag gamit kaini orig na an kaakian.