Nagsairarom an mag-agom na sinda Iya Villania asin Drew Arellano sa colonoscopy procedure kasuarin sana.
Ini an iniheras ni Iya sa saiyang Instagram account.
Sigun sa sarong Clinic, an colonoscopy, an sarong eksaminasyon sa laog kan large intestine na makakatabang tanganing ma-diagnose kan posibleng helang siring kan inflammatory bowel disease asin colon cancer.
An kadalasan na nagsasairarom sa procedure na ini an mga pasyente na nag-eedad 50-anyos pataas.
Katakod digde, pigtawan duon man ni Drew kun gurano ka-importante na pangatamanan an salud asin mahiling an mga posibleng helang kan sarong tawo.
Kaipuhan soboot na mag-invest para sa ikakarahay kan sadiri asin bilog na pamilya para sa mga maabot na panahon.
Mientrastanto, pigsaysay man ni Iya na ini an saiyang enot na pagkakataon na magsairarom sa nasambitan ng procedure alagad maogma soboot sindang mag-agom sa saindang nagin desisyon.
