Lalaki nalingangawan an saiyang agom sa sarong Gas Station; Liwat na nagirumduman makalihis an 300km na pagmaneho

Aram baya nindo mga ka-bombo, pigbugtak kan 62-anyos na Lolo sa high alert an mga kapulisan makalihis na mag-apod sa emergency services tanganing i-report na nalingawan kaini an saiyang agom sa sarong highway gas station.

Nangyari an insidente kasuarin sana kun magbakasyon an sarong pamilya sa Morocco gamit an saindang sadiring lunadan.

Susog sa report, kadakol soboot sindang pinunduhan na gas stations kun saen digde na nangyari an kakaibang eskperyensiya kan nasambitan ng pamilya.

Aksidenteng nawalat kaya kan Lolo an saiyang agom sa sarong gas station na dae na kaini magirumduman kun saen an lokasyon makalihis an pagmaneho nin nasa 300 km o 186 miles.

Katakod digde, tolos na nag-apod sa emergency services an Lolo tanganing mahanap an saiyang agom.

Mientrastanto, kaibahan kan mag-agom an saindang 22-anyos na aki alagad turog soboot ini sa bilog na durasyon kan biyahe kun kaya dae man napansin na mayo an Ina sa laog kan lunadan.

Sigun sa Paris police, nahanap man an lokasyon kan agom kan Lolo sa paagi kan pag-track sa cellphone kaini kan mobile network operator.

Yaon soboot ini sa motorway service station sa Deux-Sèvres, 300 kilometers an rayo gikan sa saiyang pamilya.

Sa pigkundusir man na imbestigasyon, nagluluwas na totoong nalingawan kan Lolo an saiyang agom kun kaya tinugutan sinda kan mga kapulisan na magpadagos pasiring sa Morocco.