Salbadong nakabalik na an dugang pa na 11 na Pinoy seafarers gikan sa MV Magic Seas na sinalakay kan mga rebeldeng Houthi sa Pulang Dagat
Sa pangengenot kan Department of Migrant Workers (DMW), mainit nindang sinabat an mga seafarers sa Ninoy Aquino International Airport (NAIA) Terminal 3 sa Pasay City, na lunad an mga marino kan flight SQ 0918.
Naisalbar an mga seafarers na ini asin paramientras na nagtinir sa Djibouti makalihis na ideklarar na kabale sa mga survivors kan paglubog kan nasambitan ng barko.
Magigirumduman na 17 Pilipino seafarers an naipabareta na nakalunad sa MV Magic Seas kan ini atakehon kan mga rebelde kan Hulyo 6.
Mientrastanto, si DMW Secretary Hans Leo Cacdac, katabawang kan iba pang ahensya siring kan Overseas Workers Welfare Administration (OWWA), Department of Health (DOH), asin magin an Department of Social Welfare and Development (DSWD), nag asegurar na makakaresiber nin financial assistance asin iba pang benepisyo an nasambitan ng mga seafarers mantang nagpapadagos an imbestigasyon sa insidente.
