Pigpasa na kan aktres na si Jessy Mendiola an haloy nang urulay na ini soboot an nagin third party sa dating relasyon ni Luis Manzano.
Sigun sa nagin entrevista ki Ogie Diaz sinabi kan aktres na an pinaka makulog na fake news na naidawit sa saiya iyo an nagin third party ini.
Bagaman pinorbaran na kaining iwasan sa puon, inamin kan aktres an gabat kan mga akusasyong haloy kaining pinahimutikan alagad dae pigtubudan kan publiko alagad nanudan na sana man aktres na akuon ini.
Sa ibong kan saiyang nagin magabat na pinag agihan, pig paabutan man giraray ini nin gantimpala, iyo an soboot maogmang pamilya ninda ni Luis asin kan aki nindang si Rosie.
Mientrastanto, inamin man ni Jessy an epekto kan pagkadaog ni Luis sa 2025 Batangas vice gubernatorial race, bako sana mismo ki Luis kundi pati na man ki Vilma Santos, ina ni Luis asin presenteng gobernador kan Batangas.
Sigun ki Jessy, si “momskie” pa an nagpuon kan propwesto tangani laugon ni Luis an pulitika komo paagi kan pagtabang sa kapwa. Sa ibong kan pagkadaog, padagos pa man an pagseserbisyo ni Luis sa Batangas.
Sa huri, sinaysay ni Jessy na dae makakayang ma-please an gabos na Tao, alagad kun matrangkilo asin aram kan Kaguranganan an laog kan puso kan Tao, ini an sulamenteng magigin importante sa gabos .
