Dagusan nang nagin miyembro kan Recording Academy an K-pop idols na sinda Yeonjun, Jungwon asin Huh Yunjin.
An nasambitan ng Recording Academy sarong prestihiyosong organisasyon na nasa likod kan Grammy Awards.
An tolong K-pop artists na ini an parte kan Recording Academy’s 2025 New Member Class, na nagrerepresentar kan global impact asin cultural influence kan new wave kan K-Pop.
Pigsaysay kan academy na nagpahiling soboot na tolo nin tapang sa pag-abot kan saindang pangaturugan sa musika kun saen saindang nakua an puso kan mga tawo manlaen-laen na parte kan kinaban.
Marurumduman, nag-debut si Yeonjun kan taong 2019 komo miyembro kan TOMORROW X TOGETHER sa irarom kan BigHit Music.
Mantang si Jungwon an nag-debut man komo miyembro kan ENHYPEN kan 2020 sa paagi kan survival show na I-LAND, sa irarom kan BELIFT LAB.
Mientrastanto, si Huh Yunjin nag-debut kan taong 2022 komo miyembro kan LE SSERAFIM sa irarom kan SOURCE MUSIC.
