Pig-anunsyar kan Metro Manila Development Authority (MMDA) na naaagihan na kan gabos na klase kan lunadan an nagkapirang parte kan Roxas Boulevard sa Maynila makalihis an naikurit na pagbaha.
Sa flood update kan MMDA pigreport na nagbaba na an baha sa mga parte kan Roxas Blvd. Service Road harani sa UN Avenue asin Roxas Blvd Service Road gikan sa Salas hasta Pedro Gil.
Mientrastanto, padagos na pigbabantayan kan state weather bureau an Severe Tropical Storm Crising na nasa luwas na kan Philippine Area of Responsibility.
Huri ining nahiling sa 730 kilometro kanluran kan Itbayat, Batanes, dara an kusog kan duros na 100 kph asin pagbugso na hasta 125 kph.
Padagos na pig-aabisuhan an publiko na maglikay sa sunudon an mga opisyal na abiso orog na sa mga harababang lugar.
