Aram baya nindo mga ka-bombo, an rinibong frozen hot dogs na nagkuriyat sa Interstate-83 sa Pennsylvania an nagin rason tanganing isarado an tinampo asin nagin rason man sa banggaan kan kadakol na mga behikulo.
Katakod digde, tolos man soboot nagresponde an mga kapulisan asin an apat na fire departments sa insidente.Sigun sa mga otoridad an banggaan an nagyari pasado alas 9:10 nin aga asin liwat na nabuksan pasado alas 3:45 nin hapon.
Katakod digde, apat na katawo an an pigdara sa ospital huli sa sinapong mga lugad mantang an mga nagkapirang sections kan highway an nadanyaran komo resulta kan banggaan na kinababalihan kan tractor-trailer truck asin duwa pang lunadan.
Mientrastanto, pigsierto man kan Pennsylvania State Police na nagpapadagos an imbestigasyon kan dapit sa aksidente.
An pagsarado kan tinampo an orog pang naghewas kabali na an exits 4 asin 8 kan tinampo.
