Nagbaba sa 7.75% an crime rate sa bilog na Pilipinas puon August 2024 hasta June 2025, sigun sa report kan Philippine National Police.
Sigun ki PNP Chief PGen Nicolas Torre III, kabilugang 177,735 insidente sana an nairehistro sa nasambitan ng panahon na mas hababa kumparar sa 192,677 kaso sa kaparehas na bulan kan nakalihis man na taon.
Pigtawan duon ni Torre na patotoo sana ini na mabisa an pinahigot na anti-criminality operations asin mas mahewas na presensya kan pulisya sa manlaen-laen na parte kan nasyon.
Puon July 1, 2022 hasta August 10, 2025, nakapagsagibo an PNP nin 153,609 operasyon kontra iligal na droga na nagresulta sa pagkakaarestrar kan nasa 190,568 indibidwal asin pagkakasamsam kan droga na pigkakarkulong nagkakantedad nin P54.6 bilyon.
Dugang pa ni Torre, padagos na pinapahigot kan PNP an saindang mga estratehiya kontra sa manlaen-laen na kriminalidad, orog na pag-abot sa cybercrime.
