Pigkumpirmar kan White House na ikukundusir sa Anchorage, Alaska an nakatalaan na paghihilingan ninda US President Donald Trump asin Russian President Vladimir Putin.
Sigun ki White House press secretary Karoline Leavitt na saindang pigpapakarhay an nagkapirang mga detalye sa nasambitan ng pag-urulay.
Dae naman kaini kinumpirmar kun makakabali pa sa meeting si Ukrainian President Volodymyr Zelensky.
Pigkokonsederar man kan White House na an pag-uulay na ini an sarong “listening exercise” huli sa sarong partido sana soboot an maatender.
Dae naman pigsambit kun ibubusol ni Trump an pagkakaigwa nin ceasefire deal sa pag-ultanan kan Russia asin Ukraine.
Marurumduman, pigbubusol kan European Union na dapat kaibahan an Presidente kan Ukraine sa pag-urulay tanganing dagusan nang maisakatupadan an ceasefire deal.
