Ikinaogma ni Senator Bam Aquino an dae na pagbabago o pagbalyo sa komemorasyon kan Ninoy Aquino Day.
Marurumduman, kan nakalihis na taon kan ibalyo sa ibang aldaw an selebrasyon kaini tanganing madukot sa long weekend.
Sigun ki Senator Bam Aquino, August 21 man nagadan si dating Senator Benigno Aquino asin bako sa ibang aldaw kun kaya dapat dae ini ibalyo sa ibang aldaw o petsa.
Nagpasalamat man an senador sa gobierno huli ta ngunyan na taon dae na ini pigbago asin pigrumdom sa mismong aldaw.
Mientrastanto, natapos man pag-aalay nin burak o wreath-laying ceremony kasuudma pasado alas-8:00 nin aga sa Ninoy Aquino International Airport (NAIA) departure area kan Terminal 1 na susunudon man kan iba pang programa sa manlaen-laen lugar sa Metro Manila.
