Nagtutubod an Malacañang na maaabot kan Pilipinas an upper-middle income status ngunyan na taon.
Kasunod ini kan report na $26 na sana an kulang sa per capita income kan nasyon tanganing maabot an global threshold.
Sigun ki Palace Press Officer Usec. Claire Castro, malinaw na patotoo ini kan na naghihiro an mga reporma asin programang pang-ekonomiya kan administrasyon ni Presidente Ferdinand Marcos Jr. sa ibong kan mga huma na kinahampang kan nasyon.
Alagad pigsaysay ni Castro, makukumpirma sana ini sa July 2026 enkaso iniluwas na an masunod na assessment kan World Bank.
Marurumduman mismong mga economic managers kan Presidente an enot na nagsaysay na sierto ang pagsakat kan Pilipinas sa upper-middle income bracket sa taong ini.
Enkaso dagusan man na naabot an status na ini, makikinabang an nasyon sa mas mahewas na access sa international markets, mas pusog na ekonomiya, asin mas mauswag ekonomiya, mga benepisyong piglalaomang makakatabang sa mas kadakol na mga Pinoy.
