Aram baya nindo mga ka-bombo, sa sarong festival sa Mexico pigserbe an nasa 13,215 tacos sa laog nin sarong oras.
Sa nasambitan ng proseso, sainda man na naipuli an Guinness World Records para sa largest stir-fry asin largest frying pan.
Sa pigkundusir na La Discada 2025 festival sa Guadalupe, Nuevo León, sarong grupo na kinababalihan kan nasa 100 na culinary students an naggamit nin 23-foot diameter frying pan tanganing i-preparar an stir-fry dish na pig-apod na la discada, na igwang sahog na sausage, beef, pork, bacon, tomatoes, peppers, onions asin beer.
An stir-fry an pigluto sa laog nin tolong oras asin 40 minutos asin an 5,331 pounds kan lutong pagkakan an ginibong tacos na iyo pang pigserbe sa nasa 10,000 katawo na nag-atender sa festival.
An aktibidad na ini an nakapagpuli nin tolong Guinness World Record titles: an pinakadakol na naiserbeng tacos sa laog nin sarong oras, pinakadakulang stir-fry asin an pinakadakulang frying pan.
Mientrastanto, an mga natadang tacos gikan sa aktibidad an pigdonar sa local food banks.
