Aram baya nindo mga ka-Bombo, sarong 35-anyos na babae sa Florida an kansuarin sanang pig arestar huli sa soboot pagsagibo nin unlicensed dental procedures, kabali na an paglaag nin veneers sa paagi kan store-bought super glue.
Susog sa mga prosecutors, an suspek na si Emely Martinez, na kansuarin sana nag pose online komo “smile makeover expert” sa social media, na-enganyar an mga customers sa promisang baratong full-mouth veneer treatments.
An saiyang presyo an nag inkaminar sa kadakol na tao kumparar sa lisensyadong dental clinics na kun saen an mga customer na ini dae na nagibo pang mai-check an saiyang credentials.
Kun an single tooth veneer sa licensed clinic nagkakantidad nin $900 hasta $1,500, alagad sa suspek pighahagadan sana an mga client nin $2,500 para na sa full-mouth veneer attachment procedure.
Alagad sa mga na enganyar na kustomer, an saiyang baratong presyo nagkawsa nin matinding pagkaraot kan mga ngipon, infections asin labing pag kulong kang nguso.
Dae naghaloy duwang klieyente kaini an nagpaabot na nin reklamo, hasta sa digde nadiskubreng an saindnag mga veneers an ginamitan palan nin Krazy Glue, sarong household super glue na dae man akma para sa medical use.
Pig arestar an nasambitan ng suspek alagad napagaraman pa kan mga investigators na dati na palan ining naarestar sa kaparehong kaso nin unlicensed dental services.
Sa presente nahahampang ini sa nagkakanigong kapadusahan kabali na an kasong fraud asin an pagsagibo nin dentistry na mayong lisensya
