Pigpasipara ni Israeli Prime Minister Benjamin Netanyahu an pahayag kan Hamas na andam sindang magsimbag sa kasunduan tangani mauntok na an giyera.
Sigun ki Netanyahu na mayo ng bago sa nasambitan ng pahayag asin man liwat pinapaitok kan Hamas an saindang payo.
Nanindugan si Netanyahu sa saiyang mga kondisyon siirng na sana kan pagpapalaya sa 48 na bihag kun saen 20 sa mga digde an buhay pa.
Kaiba man sa kondisyon an pagdisarma sa mga Hamas siring man an pagsasairarom sa demilitarization an Gaza.
Importante man na magkaigwa nin security control an Israel asin alternative civilian administration an dapat bilugon.
Mantang an kondisyon man kan Hamas iyo an pangapudan nin karibay kan mga bihag na kapot ninda an pagpapalaya sa mga Palestinong nakakulong sa Israel, pahali kan mga suldados kan Israel sa Gaza, pagbubukas nin border crossings asin liwat na pagsasaayos kan Gaza.
