Pigluwas na kan Philippine National Volleyball Federation an final line up kan Alas Pilipinas na masabak sa FIVB Volleyball Men’s World Championship na isasagibo sa nasyon.
Nangenot sa listahan sinda Bryan Bagunas asin Marck Espejo na kun saen sinda an nagin susi sa pag-abot kan nasyon sa silver medal kan Southeast Asian Games 2019.
Kabali man sinda sa pagsabak kan koponan sa Asian Games na pigkundusir sa Hangzhou kan 2021.
Kaibahan sa mga listahan sinda Josh Ybanez, Joshua Retamar, Vince Lorenzo, Kim Malabunga, Jade Disquitado, Jack Kalingking, Peng Taguibolos,Leo Ordiales, Eco Adajar, Lloyd Josafat, Louie Ramirez, Michaelo Buddin asin an coach ninda na si Angiolino Frigoni.
Mapuon an kawat Setyembre 12 sa Mall of Asia Arena kun saen igwang 32 na koponan an masabak sa kawat.
Enot na makakahampang kan Alas Pilipinas an nasyon kan Tunisia.
