Pinahimutikan ni Mayor Benjamin Magalong na nagbutas ini sa pwesto komo alkalde kan Baguio City tangani magsirbi sa independent commission na ma-imbestigar sa soboot korapsiyon sa infrastructure projects kan gobyerno sa nakalihis na 10 taon.
Ginibo kan alkalde an nasambitan ng paglilinaw sa saiyang online account kasunod kan napabareta na soboot pagbubutas kaini sa pwesto.
Sigun sa opisyal, mayong katotohanan an naglalakop na claims na nagbaba ini sa pwesto asin pighurot na dae ini nag-resign. Nagtitinir man ining fully committed sa pagsisirbi sa saindang syudad.
Marurumduman, naenot ng pinangaranan ni Presidente Ferdinand Marcos Jr. si Magalong komo special adviser asin investigator para sa binuong independent commission.
Nanindugan man si Mayor Magalong na dae makakaapektar sa saiyang mandato komo alkalde an saiyang papel sa nasambitan ng komisyon asin matinir na prayoridad kaini an kahimanwa kan Baguio. Pigsierto pa kaini na hihinguhahon kaini na magtabang sa pag imbestigar sa gabos na mga maanomalyang proyekto orog na an sa flood control projects.
