Pig-asegurar ni Department of Agriculture Secretary Francisco Tiu Laurel Jr., na sobra-sobra an suplay kan National Food Authority (NFA) rice sa kanya-kanyang mga warehouse.
Sigun sa opisyal, kaipuhan na nindang magluwas nin 1,000 tons kada aldaw tangani mailuwas an mga suplay kan NFA sa October.
Alagad, pag-abot nin November gigibuhong tig-2,000 tons an iluluwas mantang sa December, 3,000 tons kada aldaw.
Importante para ki Laurel an mga programang pagpapabakal nin baratong bagas tangani dagusang mapakawaran asin mapahewas an mga bagas kan NFA.
Para ki Laure, ini man an simbag tangani mapabakal ninda nin husto an mga paroy kan mga paraoma na iniaani ninda sa presente.
Marikas pa soboot an pagpapakawara nin bagas sa oras man na mapahewas pa ninda an bentahan kan baratong bagas sa hanay kan transportasyon.
