Aram baya nindo mga ka-bombo, sarong 21-anyos na babae sa U.K. an nagin pinaka-joven asin primerong babae na solong nakabalyo sa Atlantic Ocean sakay kan sadit na bangka.
Naglakbay si Zara Lachlan lunad kan bangka sa 4,366 miles gikan Lagos, Portugal pasiring Cayenne, French Guiana. Naghaloy an saiyang paglalakbay nin 97 aldaw.
Huli digde, nakapagrehistro si Lachlan nin tolong prestihiyosong Guinness World Records titles: First female to row across the Atlantic from Europe to South America (mainland to mainland), youngest person to row solo across the Atlantic from Europe to South America, asin youngest person to row any ocean solo (female).
Apwera sa matinding kapagalan asin Puyat, kinakaipuhan kaining magsagwan nin haros 17 oras kada aldaw, asin nagpahingalo sana ini nin madali na dae maabot nin 90 minuto kada turog.
Sigun ki Lachlan, pighuna kaining matatakot ini sa tahaw kan kadagatan, alagad mas nagin maogma asin kapanapanabik an eksperyensiya para sa saiya.
Sigun pa sa saiya, dipisil an biyahe alagad kinaya kaini huli ta joven pa asin tuod sa matinding huma.
Ngunyan, nagsiribi ining inspirasyon sa kadaklan na maski nakatalot asin imposible, kaya pa mang maabot an pangarap basta igwang determinasyon.
