Ribu-ribong mamamayan, kaibahan an nagkapirang bistadong personalidad sa showbiz, an nagpartisipar sa duwang dakulang hiro-protesta na sabay na isinagibo sa Rizal Park, Maynila asin EDSA People Power Monument komo pagtutol sa maanomalyang korapsiyon sa mga flood control projects.
Napag-araman na an rally an igwang titulong “Baha sa Luneta: Aksyon na Laban sa Korapsyon” asin “Trillion Peso March” an kasimbagan sa mga report kan salang paggamit kan pondo kan bayan na nakatagama kudta na sa mga proyektong panlaban sa baha.
Kaibahan sa mga artistang nanutaran sa protesta iyo sinda Vice Ganda, Anne Curtis, Donny Pangilinan, Jasmine Curtis-Smith, Darren Espanto, Andrea Brillantes, Julia Barretto, Jodi Sta. Maria, Angel Aquino, asin iba pa.
Ipigheras man kan nagkapira sa sainda sa social media an saindang pangapodan para sa transparency asin paninimbagan gikan sa gobyerno.
