Mahigot na binantayan ni Presidente Ferdinand Marcos Jr an nangyari na “Trillion Peso March” kan nakalihis na Setyembre 21.
Sigun ki Presidential Communications Undersecretary Claire Castro, na minonitor kan Presidente an mga kaganapan kun saen inatasan kaini an mga otoridad na magpautob nin “Maximum Tolerance”.
Hinigutan man kan Presidential Security Command an seguridad sa kapalibutan kan Malacañang compound.
Dugang pa ni Castro, na kaya kinanselar kan nasambitan ng Presidente an pag atendir sa United Nations General Assembly (UNGA) sa US tangani imonitor an mga kaganapan sa anti-corruption rally.
Enot ng sinaysay kan PNP na generally peaceful an mga nangyari na hiro protesta kasabay kan ika-53 taon na deklarasyon kan Martial Law ni dating Presidente Ferdinand E. Marcos Sr.
