Mabida sa duwang out-of-country games an crowd favorite na Barangay Ginebra makalihis man na mailista sa Bahrain games kan PBA Season 50 sa Disyembre.
Kaka-anunsyar sana sa Gin Kings komo star sa pagbabalik kan liga sa Dubai, United Arab Emirates sa Oktubre antes banderahan liwat an 2-game, 3-team event kan PBA sa Bahrain sa primerong pagkakataon sa historya.
Makakaibahan digde kan Ginebra an Magnolia asin Rain or Shine sa Disyembre 15 hasta sa petsa 17 komo selebrasyon kan PBA kan ika-50 anibersaryo kaini asin kan Bahrain Basketball Association (BBA) kan ika-25 na anibersaryo kaini. Bida na an Ginebra sa primerong abroad game kan PBA sa Oktubre 26 kontra sa karibal na San Miguel Beer para sa saro sa top-bill game kan papapuon na 2025 PBA Philippine Cup.
Isasabay man an nasambitan ng PBA games sa Bahrain Day tampok an rinibong Pinoy sa Middle East sa Disyembre 16 na papangenutan ninda PBA Commissioner Willie Marcial asin BBA President Alaa Mudara.
Primerong masalang sa makasaysayang Bahrain games an Rain or Shine asin Magnolia sa giya kan bagong head coach na si LA Tenorio sa Disyembre 15 antes an duwelo kan Elasto Painters asin Gin Kings sa Disyembre 17.
Nagtugot si RoS head coach Yeng Guiao na sinda an sumalang sa back-to-back games dawa pa katapat an 2 sa top championship contenders kan liga.
Alagad dae na bago ki Guiao na minanduhan man an dating team na NLEX Road Warriors sa back-to-back games kan nakalihis na 2019 Governors’ Cup sa Dubai na iyo man nagsirbing huring out-of-country kan PBA.
