Ipapautob kan National Home Mortgage Finance Corporation (NHMFC) an sarong bulan na moratorium sa amortization o bulanang bayadan kan mga housing loan borrowers na nakaistar sa mga lugar na igwang pigdeklarar na state of calamity.
Sa Bagong Pilipinas Ngayon, pigsaysay ni Shara Jane Falceso, OIC kan Securitized Accounts Division kan NHMFC, dae soboot sisingilon an mga kwalipikadong borrower sa laog nin sarong bulan.
Obheto kaining matawan sinda nin ginhawa makalihis maapektaran kan mga nakalihis na bagyo asin linog hasta November 2, 2025.
Nasa 822 accounts an makikinabang sa moratorium kaibahan an mga borrowers gikan sa Region IV-B (MIMAROPA), Region V (Bicol Region), asin Region VI (Western Visayas) na pigtamaan kan Bagyong Nando asin Opong, magin man an mga lugar na naapektaran kan linog sa Cebu.
Piglinaw man ni Falceso na paramientras na suspensyon ini kan pagbabayad asin dae kanselasyon kan utang.
Boot sabihon, maa-adjust sana nin sarong bulan an petsa kan pagtatapos kan saindang loan amortization.
Dugang pa kan opisyal, an lakdang na ini an konsiderasyong pigtatao kan gobierno tanganing mabawasan an pasanon kan mga pamilyang naapektaran kan kalamidad.
