Nagtalaga nin dugang pwersa an Philippine National Police (PNP) sa Cebu para sa mas marekas na relief operations sa probinsiya.
Sigun ki Acting PNP Chief PLtGen. Jose Melencio Nartatez Jr., an mga dugang na personahes asin assets gikan sa saindang kabuhan, an nakatalaang magtao nin pokus sa mga lugar na iyong lubhang nadanyaran kan magnitude 6.9 na linog sa hilagang parte kan Cebu.
Dugang pa ni Nartatez, obheto na maparekas man an pagpapadara nin mga tabang gikan sa gobyerno para na man sa padikit-dikit na pagbebweltada sa normal na pamumuhay sa probinsiya.
Pigsierto man kan acting PNP Chief na padagos an saindang hararom na koordinasyon sa lokal na gobyerno kan Cebu asin magin sa mga local disaster teams kaini para sa distribusyon kan mga relief goods asin family food packs sa mga residente.
Mientrastanto, apwera man digde, pigsierto man ni Nartatez na nagtatao nin tabang an pulisya sa mga logistics, road clearing operations, pagpapautobo kan seguridad asin magin pagmamanehar sa trapiko tanganing matawan nin prayoridad an pagpapadara nin mga relief goods.
