Nagsiklab an sagupaan sa tahaw kan militanteng Hamas asin mga miyembro kan prominenteng angkan kan Dughmush sa Gaza City makalihis na mag-retreat an Israeli Army.
Ini na an pigkokonsiderar na pinaka-bayolenteng internal confrontation puon kan tapuson kan Israel an mga operasyon kaini sa nasambitan ng teritoryo na naggadan na nin 27 katawo.
Sa nasambitan ng internal conflict, nakipagribayan nin putok kan badil an mga miyembro kan Hamas na nakatakop an mga lalawgon sa kampo kan armadong kalaban harani sa Jordanian hospital sa Gaza City.
Sigun man sa senior official sa Interior Ministry na pigpapadalagan kan Hamas, pinalibutan kan security units an mga ini asin naimbwelto man sa ribayan kan putukan tanganing ikulong an mga dawit sa labanan.
Sinaysay kan ministry na walo sa saindang security units an nagadan sa armadong pag-atake kan militia. Basado man sa medical sources, 19 na miyembro kan prominenteng angkan angkan asin walong hamas fighters an binawian nin buhay puon kan magsiklab an labanan kan nakalihis na Sabado.
Enot na digde, haloy nang igwang bakong magayon na relasyon an Hamas asin pamilya Dughmush, na saro sa pinaka-prominenteng angkan sa Gaza.
Kapwa naggapuan man nin basol an duwang magkaibong na kampo sa kun sisay an responsable sa pagpupuon kan kariribokan.
Sigun sa Hamas, ginadan soboot kan gunmen an Dugsmush an duwa sa saindang fighters asin irido an limang iba pa rason kaya nagkasar sinda nin operasyon kontra sa nasambitan ng pamilya, alagas basado sa source, pinorbaran kan Hamas na pwersahong pahalion an pamilya sa Jordanian Hospital kun saen sinda nagtitinir puon kan maraot kan goyera an saindang harong tanganing gibuhong bagong kuta kan hamas para sa saindang pwersa.
