Pigtugutan kan US appeals court an Trump administration na magpadara nin National Guard troops sa Portland, Oregon.
Ini an makalihis katigan kan tulong hukom kan 9th US Circuit Court of Appeals an request kan US Department of Justice na ipauntok an kasuguan kan sarong hukom na mag ulang sa deployment kan mga tropa mantang tutugutang idagos an legal challenge kontra sa lakdang ni Trump.
Sigun sa korte, an pagpapadara sa National Guard an sarong kaukulang simbag para sa mga protester na pinagraraot an federal building asin pinagbantaan an US Immigration and Customs Enforcement officers.
Mientrastanto, umapelar man si Oregon Governor Tina Koteksa sa federal appeals court na baliktadon an desisyon kan 3 hukom.
Marurumduman, kan nakalihis na Oktubre 4, inulang kan mismong appointee ni Trump na si Portland-based US District Judge Karin Immergut an pagpapadara ni Trump nin ano man na National Guard troops sa Portland hasta sa antes matapos an bulan nin Oktubre asin nagtakda nin sarong non-jury trial na nakatalaang puonan sa Oktubre 29 tangani tukuyon kun mapautob nin panghaluyang pagpugol sa Trump admin na magpadara nin mga tropa sa Portland.
Kan nakalihis na Setyembre 28 man kan premirong ipag-sugo ni Trump sa 200 National Guard troops na ma-deploy sa Portland tangani masawata an mga protesta asin pakusugon pa an domestic immigration enforcement.
