Aram baya nindo mga ka bombo mantang pigsasagibo an eksorsismo sa sarong babae sa laog kan simbahan, bigla ining nagsuka soboot nin mga pako, staple wire asin alambre.
An nasambitan ng babae, pigkarawan soboot kan kalaguyo kan saiyang mister.
Sigun ki Sister Lei Macoy, dating miyembro kan nasambitan ng exorcism team, nagpapangadyi sinda kan magsabi an babae na nasusuka ini.
Kaya nagrani soboot ini asin pigtapat an plastic bag sa ngimot kan babae.
Alagad imbes na an kinakan an pigluwas gikan sa ngimot, ikinabigla ninda asin kan mga kaibahang padi kan nagsuka nin pako an babaeng sinapian soboot kan demonyo.
Si Reverend Father Michell Joe Zerrudo, exorcist ngunyan kan Diocese of Cubao, asin saro sa mga padi na yaon kan mangyari an pagsuka nin pako kan babae, pigladawan na igwang namamatean na kakaiba an babae sa tulak.
Mantang pigpapangadyi ni Father Michell an ritwal, nagsabi an babae na napapasuka ini.
Nagpasiring soboot an babae sa banyo, digde mahihiling an nagkuriyat na mga pako asin iba pang mapapanas na bagay.
Mientrastanto paliwanag kan padi, saro ining klase kan barang.
Paliwanag kan babaeng nabiktima kan barang, an kalaguyo kan saiyang mister an igwang kagibuhan kan insidente.
