Nag-abiso an PHIVOLCS sa mga residente harani sa Bulkang Kanlaon sa posibleng pagdaloy kan lahar kawsa kan makusog na uran gikan ki Bagyong Tino.
Pwedeng maapektaran kaini partikular an Tamburong/Ibid Creek sa Biak-na-Bato asin Baji-Baji Falls asin Talaptapan Creek sa Cabacungan, La Castellana, Negros Occidental.
Pig-eenkaminar man an mga komunidad sa kalabaan kan mga kanal na magin preparado sa pag-ibakwar asin maglikay sa pagbalyo sa mga apektadong salog, dawa pa sa mga harayo sa bulkan.
Sigun sa ahensya, nabibilog an lahar enkaso nag-uuran na kun saen naghuhugot nin maluwag na materyales gikan sa pagputok kan Oktubre 24 o sa kasuarin sanang ashfall.
Nagtitinir na nasa Alert Level 2 man an Kanlaon, kaya ipinagbabawal an paglaog sa apat na kilometro Permanent Danger Zone asin an paglupad kan eroplano harani sa bulkan.
