An sunod-sunod na panlalamasa kan bagyong Tino asin Uwan nagkawsa nin danyos na mapakol sa ribo-ribong milyong piso sa agrikultura, sigun sa report kan Department of Agriculture (DA) kan nakalihis na Miyerkules.
Sigun ki DA Deputy Spokesperson Joycel Panlilio, nagpakol sa ₱159.14 milyon an danyos na winalat ni Tino sa agrikultura hasta Nobyembre 8, mantang ₱142.29 milyon man an inisyal na danyos gikan ki Uwan na naireport kan Martes.
Nagluwas an Department of Budget and Management nin ₱1 bilyong quick response fund para sa mga pangangaipuhan sa pananom asin hayop, tabang pinansyal o kagamitan, asin pagpapakarhay kan mga naraot na pasilidad sa agrikultura.
Pigpagirumduman man ni Panlilio an mga apektadong paraome asin parasira na magpasiring sa saindang lokal na opisina kan agrikultura para sa tabang gikan sa ahensya.
Pwede man mag-avail an mga paraoma nin survival and recovery loan program asin magsumiter nin claim sa Philippine Crop Insurance Corporation, sigun sa opisyal.
